Urtebete igaro da sarobeurnieta webgunea kaleratu genuenetik, 2022ko irailaren 22an!!
Sarobe kudeatzen duen Sarekin enpresak ahalegin eta denbora handia eskaini du webgunea errealitate izan dadin, eta blog honen bidez ospatu nahi dugu. Webgunea errealitate bihurtzeko esfortzuak erakusten du Saroberen aparteko identitatea zaintzeko eta sustatzeko konpromisoa.
Gure web proposamenak Saroberen egiazkotasunean du jatorri, bere indarguneak erakutsiz, udalak kulturarekin duen konpromisoa azpimarratuz eta gure erkidegoan kultura maite duten guztiak batzen dituen espazio birtual bat eskainiz.
Sortu zenetik, webgunea Saroberen funtzionaltasuna eta esentzia erakusten duen ispilu bat da.
Helburu nagusietako bat, webgune irisgarri bat izatea zen. Eta lortu dugu! Aurten, gure webgunea Sarobeko jarduera guztien erakusleiho bihurtu da, kultur jardueren aberastasuna eta aniztasuna erakusten duen leiho digitala: sorkuntza prozesuak, aurrestreinaldiak, ikastaroak, ekitaldiak…
Online agenda, kultur ekitaldien berri izateko gunea izan da. Irisgarritasun hori funtsezkoa izan da komunitateak Saroben eskaintzen diren ekitaldi guztien berri izan dezan. Gainera, sarrerak webgunetik zuzenean eros ditzakezu!
Saroberen ezaugarririk bereizgarrienetako bat Fabrika espazioa da, sortzaileek bere ekoizpen berrietan lan egiteko eskura duten gunea. Horri esker, ekoizpen profesionalak eskaini ahal izan ditugu oso prezio onetan, komunitateari artea eta kultura esperimentatzeko aukera paregabea eskainiz. Gainera, konpainiek informazio guztia aurkitzen dute zuzenean webgunearen bitartez eta Fabrika atalean erreserbatu dezakete. Era berean, 1994tik aurrera bertan egonaldi egin duten konpainien historiko bat eskura dago.
Sarobeko ezaugarri esanguratsuenetako bat udal kulturarekin duen epe luzerako konpromisoa da, eta hori Urnietako ekosistema kulturalean dugun etengabeko presentziaren bidez adierazi da. Bai Udal Antzerki Tailerrak bai udal ikastaroek herritar aktiboen parte-hartzea bultzatu dute; Modu horretan pertsona guztiak kultur eszenan parte hartzera gonbidatuta sentitzen dira. Webgunean, berri guztiak eguneratzen ditugu, informazioa emateko.
Blogaren atalean atal hauek ikusgai:
- “Ikuslearen ahotan”. Saroben pertsonek beren esperientziak partekatzeko gunea izatea nahi dugu. Ikuskizunen bat ikusi baduzu, ekitaldietan edo tailerretan parte hartu baduzu, zure iritziak ezagutu nahi ditugu! Zure ahotsak beste batzuk inspiratu ditzake eta gure komunitatea aberastu.
- Lankidetza Artistikoa: Sarobe Fabrika sailetik konpainiei entzun nahi diegu, beraien sorkuntza prozesuen berri izan dezagun.
- ”Hemerotekari begira”: Sarobeko curriculumaren etapak ekarriko ditugu gaur egunera.
- Ahotsa ematen diegu ikastaroak ematen dituzten pertsonei. Bere aroko lan-prozesuak eta kezkak kontatzen dizkigute.
Etorkizunera begira, gure asmoa webguneak hazten eta eboluzionatzen jarraitzea da.
Urte askotarako! Eskerrik asko klik bakoitzari, bisita bakoitzari!
