Sarobeko webgunea abian
Sarobeko webgunea argitaratzeak etapa berri bat suposatzen du gure zentroaren proiekzioan. Urte guzti hauetako ibilbidearen ondoren, ikusi genuen beharrezkoa zela gure komunitatearekiko komunikazioa indartzea. Eklosio digitalak ekarri dituen aldaketak kontuan hartuta, bai harremanei eta baita informazioa lortzeari dagokienez, ondorio logikoa zen online espazio bat irekitzea, konpainiek, Sarobera datozen pertsonek eta, oro har, kultura-jardueretan interesa duten pertsona guztiek gure jarduerari buruzko informazio guztia eskura dezaten. Baina ez hori bakarrik. Izan ere, Sarobe elkarbizitzarako gune zirkularra den heinean, webgune hau guztiontzat parte hartzeko topaleku izatea gustatuko litzaiguke.
Horretarako, sarobeurnieta.eus webgunean parte hartzeko hainbat modu pentsatu ditugu.
- Hileko sinadura: idaztea gustuko duten pertsona guztiak gonbidatzen ditugu Saroben dituzten esperientziak geurekin partekatzera, dela ikuskizun, film edo ikastaroren batean parte hartzeari buruzko iritziak, eta abar.
- Partekatu zure argazkiak eta bideoak: zure bizipenak zuzenean partekatu nahi badituzu, zure argazkiak eta/edo bideoak #sarobeurnieta etiketarekin sareetan partekatzera animatzen zaitugu. Horrela, zure argazkia edo bideoa gure webgunean agertuko da, baita gure instagram kontuan ere.
- Izena eman dezakezu gure formularioan Sarobeko berriak jasotzeko zure helbide elektronikoan. Horrela ekitaldien berri izango duzu zure agenda ondo antolatzeko.
Webgune hau beste tresna bat da AEG Sarobe indartzeko, kulturak loturak, alaitasuna eta komunitate-sentimendua sortzen dituen gune bizi gisa.
Parte hartzera animatzen zaitugu!
