Aukeran dantza konpainiaren mende laurdeneko ibilbideari aitortza egiteko, izen bereko ikuskizunaren musikan, testuan eta koreografietan oinarritutako ilustrazioak biltzen ditu proiektua da disko-liburu hau. “Dantzari bat, bi dantzari, hiru dantzari galdezka. Lau dantzari, bost dantzari, sei dantzari galdezka. Zazpi dantzari, zortzi dantzari, zortzi dantzari galdezka. Zer da mugimendua? Zergatik mugitzen gara? Zein da mugitzeko dugun beharra? Zer da mugitzera bultzatzen gaituena?” Orain bi urte hasi zen konpainia buruari eragiten, mende laurdeneko ibilbideari modu berezi batean gorazarre egiteko: disko-liburuak hamaika afera ukitzen ditu, hamaika kantetan, Xabier Aburruzaga musika-konposatzailearen sormenez. Hitzak, Oier Guillanek ipini dizkio, eta Edu Muruamendiarazek dioen bezala, “esanahiez betetako testuak dira, disko liburu honi zentzua ematen dioten hitzek”. Bestalde, Char-Lee Mito marrazkilariak ipini dio proiektuari “kolorea eta originaltasuna”. David Herranz argazkilariaren irudietatik , nahiz entseguetan bizitakoagatik ondu ditu ilustrazioak.

Iturria: Aiurri.eus